الزمان اكرم من الحظ الكريم
لانفتح لي باب صوبك سكره
وحبك اللي لاطرى لي رحت اهيم
قمت احسب اصغر كلامك واكبره
ليتني عاد الهوا توه فطيم
انعذلت لعاذلي بس خيره
مالقيت من الوفاء يااول نديم
كون صدق الحزن وجهه وظهره
عقب رمح الشوق في وجه الصميم
سيف بٌعدك في قفاه وشفره
وانت شكلك تحسبني في نعيم
لني اخبي صوابي واستره
لايغرك حلم رجال حليم
مهون اللي من سكوته فجره
ولاتحسب الجفن من دمعه عقيم
يستحي منك والى اقفيت انثره
ولايغرك وان بدا جسمي سليم
والله ان جسمي سوار المقبره
والله ان امر من ضحك الغريم
شوف حقي بين اياديه اشكره
والله ان احر من دمع اليتيم
دمعة الرجال من فرقا مره