حـــــــــوار بيــــن الوطـــــــن واللــــــــــيل

رديتلك يا وطن شايل جرح وهمـــــــــــوم
كلت انتة مرهم الي الكيتك جرح ملجوم
الكيتك ونين وسهر وعيون تبجي دمـــوم
كلت افرح بشوفتك وانسة العتب والـــــــوم
لن شفت دمعك حزن يمطر بلاية غيـــوم
شفتك بيادر تعب شفتك جرف مهــــدوم
شفتك تكابر الم ومصوب ومالـــــــــــــــوم
الملكاي انتة انهضت بس ما كدرت اتكوم
شفتك بدمعة طفل من كل اهله محــروم
شفتك عجيد ووقر بس يا وسف مهضـوم
****************************
يالجنت تزهي كبل شو موحشــــة دارك
متغير انتة اصبحت منين اجة غيــــــــــارك
يابو الكرم يالجنت تتفكد لجـــــــــــــــارك
هيج اصبحت يا وطن تترجى خطــــــارك
,,,,,,,,,,,,,,, الوطن:
غيرني يبني التعب ومرادف الطعنــــــات
ماتدري بية شكثر مرن علي نكبــــــــــات
جم جرح بية نزف وياما حملت لوعـــــات
خلوني شاخص رمي ونيشان للجيـلات
مصيوب من كل كتر والاه بية تبـــــــــــات
واصعب جرح مر علي من ضحكت الشمات
على الكون ضيمي لون مر يولدي جا مات
لا تنفخ على الجمر وتهيج الحسبـــــــــات
خليني ساكت اضل وسكت يطيب الــذات
خاف احجي كل الحجي وتجرحكم حجايات
فد راية شيعة علي ليش اصبحت رايات
احزاب صرتو وفرق وتبينت الغايـــــــــــــات
خلي المدثر يضل يوليدي وانسة الفــــات
بالجاي هم صح امل تتوحد الرايـــــــــــات
*******************************

كالولي حبك تعب راحة التعب ويــــــاك
كالولي دربك صعب للموت انة اتعنـــاك
كالو تعيش بخطر كلت اني اضل بحماك
كالو يمسك حزن كلت افرح من انخــاك
كلو مساهر تضل كلت اغفة انه بعيناك
يانور رب العرش سبحانة من ســـــواك
نورك محمد سطع نور على الافـــــلاك
تحياتــــــــــــي

تسلم والله شعر كلش حلو

[ندعوك للتسجيل في المنتدى أو التعريف بنفسك لمعاينة هذه الصورة]

قصيده جميلة
مشكوووووور
مجهود رائع
تنظيم اروع
ننتظر جديدك