على اخر زمن ننتظر ع الباب
ونتاني الجان هوه ينتظرنه
اخ من الوكت دولابه دولاب
ماندري شوكت وشلون فرنه
اذا وي النحبهم صرنا اغراب
نتاني ابابهم تالي عمرنه
بعد لا ياكلب لتدور اسباب
علينا اندارت ومحد عذرنا
نحبهم اي صدك وجانو احباب
بس هسه انتهت وكولشي خسرنه
كلها اتغيرت مو مثل الاول
مثل الشمس الهم كول وكت لون
حتى الزين بيهم هم تحول
وياهو تكول زين يخيب الاضنون
شبيها الناس مثل الورك يذبل
وصاير شوفهم شو مو بالاعيون
بعد حب او وفه بهاي الدنيا ماضل
والعنده وفه يسموه مجنون
يضيع اليستحي والطبعه يخجل
وخسرنه هواي وي المايخجلون
الوكت يندار ومنتبدل
لا نعرف غدر لا نعرف نخون
واذا اتعله النذل يصير انذل
وناس شكد علت وبسرعه ينسون
منغير طبعنا ولا نتحول
ونضل بالطيبه اطيب ناس بالكون
هم تحتاجلي وترجع اليه
شما يعله الشجر ماينسه فيه
ماضيك اني اعرفه وكل ضروفك
وجنت تشكيلي كل ما اريد اشوفك
صحيح توفقت بس مو عليه
شجاك تكبرت ع الناس شبساع
الكمر هم عالي بس عيونه ع الكاع
الاصيل يكون من طبعه التواضع
ويتحمل الم كل المواجع
الوفه بهذا الزمن اصبح قضيه
صحيح تغيرت بس مو عليه
ماناسيني بس ناسي انت نفسك
واعرفك زين مايحتاج ادرسك
ما اهتملك شما تحجي ضدي
اخاف تحس الك فد قيمه عندي
واضل شما صرت روحي ابيه
وهم تحتاجني وترجع اليه
تحياتي