HUMAM المدير العام
عدد المساهمات : 1983 تاريخ التسجيل : 30/11/2009
| موضوع: قصيدة لشاعر إماراتي تشكي الحال الأحد يناير 24, 2010 4:11 pm | |
| ********************************** وش عاد يا دار ٍ بها صار ( توطين ) و في مكتب التوظيف سوسن و ميسون ! مديرهم مدحت و نائبْته نسرين و على الرسبشن حمّص و فول و زيتون ! كل ما اتصلت اسمع ( الو مرحبا مين ؟ بدّك وظيفه ؟ .. مين دلّك على هون ) اقول انا لي اتصل صار شهرين و انتوا وعدتوني متى بس توفون اسمي ( مواطن ) ( جامعي ) طيب و زين كني ابخطب عندكم و اتّغلون ! عندي شهادة طايحه بجبدي سنين عشش عليها شي له ستة عيون !! لو للشهاده لسان قالت ( على وين ناوي توديني .. تلف فيني الكون ؟ ) من كثر ما صورتها غارق بدين للهندي راعي المطبعه صرت مديون لا ليلي ليل ولا نهاري نوى يبين دقيت راسي لين ما صرت مينون ! مطلوب خبره عالأقل في مجالين ولا ّ تجينا بواسطه و سير مدهون ! ولا انثبر في بيتك .. افرك بكفين يومك يشابه امسك و عيش مغبون تعدادنا ويّاهم اربع ملايين و اهل البلد للحين ما صاروا مليون !! ويلاه من باكر اذا وضعنا الحين و احنا اقل من الربع حالنا شجون ! و اللي ابتسم له حظه والله مسكين ! حصّل وظيفه .. بس في وين .. تدرون ؟ اكن في راس الخيمه .. حطوه في العين !! و اللي سكن في الذيد .. في السلع مدفون !! يشوف اهله بس في الأسبوع يومين و اذا حسبتوا الدرب كم ساعه ... تبكون يعني في كل احواله ذاق الأمرين شغّال محزون و بلا شغل محزون و الأجنبي اللي راتبه فوق عشرين فله و سياره و تذاكر .. و طاعون عنده بدل كل شي عالراتب الفين حتى بدل معجون اسنان و صابون ! و من بعد ما يجمع من بلادي فلسين و يربّي م القعده على الكرسي بطون و يصير في بلاده غني و عنده برجين يرحل و هو جاحد .. و كم مثله ملعون ! و حتى الجماعه قوم مدحت و نسرين مردّهم لبلادهم لو يطولون يرضون بشوية دراهم .. و شفتين صبح و عصر .. لو حتى في الليل يرضون بس لو سمعتوا همسهم بينهم بين وسط القهاوي يلعنون و يسبون ! لا تحسبوني عنصري .. كلنا طين و الخِـل لو عاتب محبينه يمون داري و انا اولى بها من الغريبين ما يوصلون لحبها لو يموتون و ( الأقربون اولى ) .. كلام ٍ من الدين ما جبته من شعري مع الهام و ظنون ولد البلد ما يبغي لبلاده الشين بالروح بالدم يفتديها و لا يخون لكن سؤاله يوم قلتوا له ( توطين ) يا كيف بيد الغرب توظيفه يكون شعارهم معروف ( راجعنا بعدين ) و باين من التأجيل .. انهم يخافون اذا معك خبرة .. يا اهلين و سهلين اذا شهاده بس .. عن ّ ك يصدون ما عندنا شاغر .. و بطلنا تعيين ولو تحرق الهاتف ترى ما يردون من وين اجيب الخبره ؟ من وين من وين ؟ دام الوظيفه عند سوسن و ميسون عندي بمطبخ بيتنا خبره سنتين ! تنفع اذا صاروا المطاعم يوطنون ؟؟! ولاّ أهاجر و آخذ الخبرة في الصين ؟ صح العيون صغار .. لكن يقدْرون سؤال يا دار ٍ ..صراحه بترضين ؟ اني أسافر و اطلب الغرب لي عون ؟ و سؤال يا ناس ٍ على الراس و العين صدق الوظايف واسطه و سير مدهون ؟ اما الجواب الشافي يجيني الحين او هاتوا تأشيره .. اذا كنتوا ترضون ! | |
|
ابن مصر عضو فعال
عدد المساهمات : 132 تاريخ التسجيل : 15/12/2009
| موضوع: رد: قصيدة لشاعر إماراتي تشكي الحال الخميس فبراير 11, 2010 11:42 pm | |
| | |
|
دمعـــــة حـــــزن مديرة عامة
عدد المساهمات : 1419 تاريخ التسجيل : 09/12/2009
| موضوع: رد: قصيدة لشاعر إماراتي تشكي الحال الأربعاء يوليو 28, 2010 3:22 pm | |
| رائعة كلماتك التي نثرتها باحساسك ومشاعرك المرهفه وصلت لنا دون معاناة بانتطار جديدك دمت بالف خير | |
|
diyaa عضو جديد
عدد المساهمات : 10 تاريخ التسجيل : 01/08/2010
| موضوع: رد: قصيدة لشاعر إماراتي تشكي الحال الأحد أغسطس 01, 2010 10:58 pm | |
| | |
|
HUMAM المدير العام
عدد المساهمات : 1983 تاريخ التسجيل : 30/11/2009
| موضوع: رد: قصيدة لشاعر إماراتي تشكي الحال الأحد أغسطس 15, 2010 5:15 pm | |
| اشكر لكم حضوركم وتشريفكم فمروركم اسعدني جدا واضاف لموضوعي روعة وجمالا | |
|