زنجيل دارمي لعيونكم

بالليل لا مانمت ظليت انا صاحبي
حاير بأمري غلط من عفته لو صاحبي (صح بي)
شو آنا بي امنت تالي غدر صاحبي


يغدر يخون اشعـجـب كضى العـمر جاري
ولساني لو صاح أله بطـيب الحرف جاري
ولـو يـوم حـس بعـطش نهـر انكـلب جاري


ويامه اسهرتله سهر انطرله ليل انهار
ولو كاع صار وزرع لجله اصير انهار
بيده يهدم الوفه وصرح العشك انهار


لابـد يجـيني بـوكت ويكول انه حنيت
افرشـله كاعي بورد والايـد انه حنيت
لن بعده انه ما عشت بس للظهر حنيت


وظليت عايش مثل طفل بوسط غابة
وعكبه نضير السعد عن مهجتي غابة
ياحيف بيه شمت كل عاذل وغابة(( اغتابني))


وياه جنت الوفي وجازه الوفه وباعني
ومن لحمي مو بس اكل كصكص واخذ باعه ني
من شفته دار الوجه صحتة التفت باعني
شبيك انا صاحبك "ما أعرفك" صاحبي ( صاح بية ما أعرفك)







لعين الحبجية