[center]الشعر فن ومعنى وابداع وأسلوب
ويازين جوه يوم ينشك هبابه
ولد الرفاع جاكم شاعر وموهوب
متحزم في قصيده وحب الكتابه
لاجل يغن الشعر هجيني ومسحوب
ويقول قصه عاشق كلها غلابه
لو ان حب الجادل فالقلب منصوب
لاغير أهيجن ويه عود الربابه
الزين صافي حبه مافيه عذروب
هجر خفوقي بعد رجوه وعتابه
العشق ولى بعد ماكان مرغوب
مابقى غير الهم وجمره عذابه
وانا ماغير ادوج في كل الدروب
وأقول هذا قلبي ولا سرابه
ولا نصيبي يوم فرقاه مكتوب
زادت جروجي من قساوه صوابه
شقى وهم ونكاده والدرب متعوب
ماعاد فيني شده وقوه صلابه
البعد قاسي جوه والهم لاهوب
والعين تبكي دام محدن درابه
ضاع الوفا والطيب من ضيم محبوب
ضاعت حياتي يوم فتره غيابه
إتعبني حبه كل ماجيت في صوب
ماغير أهوجس ويه حزن وكأبه
انهد حيلي وأنا بالحب مغلوب
واختم قصيده عاشق ضيع شبابه
[/center]