مرحبااااااااااااا
الك شوكي ازرعة بكلبي من ورود
وابنيلة نهر من عيني لو تدري
انا العاشك هواك وانت ماموجود
يالحبك ورد متوزع ابصـــــدري
حس بية اريدك من غرامي وعود
لان ميت ترة بلياك كل عمــري
يانجمة صباحي البيها اصد العين
وعين اهل العشك ماترحم اتحسدك
اخاف اعليك لوجلجل ضلام الليـل
من نار الغرام ابعين الـــــه اتصدك
اغار عليك حتى من الهوى يهواي
واغار عليك من روحي اذا اتفكـــدك
احسن بيك تنبض بالكلب واتسيل
تجري بدمي والشريــــان ميهــدك
تِعَيدْ الناس ادري من يمرها العيد
وانت العيد كلة بروحة شـــو عندك
مالومة وابد لا واللــــه حكَة ايصير
كلمن ذاب لو مر بي عطر خــــــدك
الك عنوان مخطوط بكلب ولهــــان
لاتبعد علي لا تســـــال اشعنــــدك
خليني بهواك اتنفس ابملكــــــاك
خليني اعلى حبك وانت الـــك دردك
اعيش وي الحلم خليني اترجــــاك
لتفزز حلم ميعيش مـــــن بعــــدك
تحياتي
السبت يوليو 09, 2011 4:02 pm
