الف عالخير كلناهة وبجينه...! اهداء لكل عروسة عراقية

الف مبروك اخيتي تكلج الروح
او توديلج سوالفهة الحزينة
ياشمعة حياتي وشمعة البيت
افرحي وداعت الله وفرحينة
يا أجمل اخت عاشت بالعيون
اخوج من الفرح دمعت عينة
وابوي انكسر ضهره وهو تدرين
مريض ويكسر الخاطر ونينة
يومية بغرفتج يحرك الروح
يصرخ وينهه ابنيتي الحنينة
اكله ازوجت خل نفرح اليوم
يعاين عالسمة ورافع ادينه
الاهي احفظها بنتي بحك ابو تراب
وبحك من عفروا بالدم جبينة
وخطية أمي شكثر صبتلج ادموع
وعلى سوالفهه كل احنه انجوينة
سفينة البيت كالت واختك شراع
بغير شراعنا شتسوه السفينة..؟
واخوي شكد صلب بس شفتة هاليوم
غريب وكلهم اهله امفاركينة
ماطاحن ادموعه واني احس بيه
طاحت روحة وانتي تودعينة
وانه بكل يوم أجي والكاج بالبيت
وادك الباب وانتي التفتحيـــنة
وهسه البيت وحشة او مضلمة الدار
وبعد كل نور مايقبل يجينة
شعلنه شموع عرسج بين العيون
الف عالخير كلناهة وبجينه



تــــــــحــــياتـــي
Winter Roze

يسلموووووو حبيبتي على الردد الروووووعة
وو مايحلى المووضوووع الا بردج حبي
تحياتي