مرااااااااااحب
شلونكم ياأعضاء احلى منتدى
اليوم جبتلكم مجموعة من الابوذيات الجميلة
لنائل المظفر ورحيم المالكي
[center]
اليحبك اقوم اجلالآ الحسنك وأقف لك
وسجل قلبي ياخلى وأقف لك
واحطك بيه وأقفلنه واقفلك
واطب بصدري واقفلكم عليه
******
وياك بلشت بلشه يا بلاشه
وحسافة أطلعت عندك يابه لاشيء
بثمن يوسف بعتني يا بلاشه
وقميص اربع جهات انقد عليه
******
تدري اشكد الك قلبي والعظام
صغار جروحي يهونك والعظام
اموتن واندفن واعتك والعظام
زحفن لك زحف لو صحت ليه
*******
مدري العيب عندك مدري عندي
مدري غلط عدك مدري عدي
مدري اوقف واطالب مدري أعدي
وأقولن ينصلح ويرد ليه
*******
هسه أبوذيات عريان رحيمة الطائي
عشرتك روحي صدك ما تملها
وقلبي ايام سعدك ما تملها
اريد انصب لروحي مأتم الها
وأشوفك هم تجي وتبجي عليه
لو مرة تمر مثل الشماته
وانا لنحرك ولك يا اسمر شماته
علي مغرور قالولي بشماته
صحيح بشامتك تنغر عليه
لو تذكر رباي وياك والعن
ولا تنغر على الي بيك والعن
فرضنا لو أسبك حيل وألعن
هم بغيض ولك تزعل عليه
لو تعرفني أحبك واشتمنك
لأن منطي للواشي واشتمنك
اريد اليوم احضنك واشتم منك
واشوفك هم تذب روحك عليه
لو رأسن تقلي ارجوك هدنه
وتعاركني وتريد انوب هدنه
ولك والله العشق وياك هدنه
مريض آنه تعال اسأل علية
وشوف شلون حالي من تسلني
ولكن سيف صدك من تسلني
الدمع يغلب جوابي من تسألني
أضحك بالجذب غصبن عليه
لان ماريد اشوفك يوم حزني
وتدري بسيف هجرك ولك حزني
قلبك انت وحدك الي حازني
وحياز وحبل سلمتك بيديه
*********
وبث ان شاء الله تكون نالت اعجابكم
واذا اكو عضو او عضوة ما حبتها اقول
أعزك وأعتذر منك وانا اسف
جمال روحك مغربل وناسف
بروحي أحط TNTوناسف
وافجر روحي لو تزعل عليه
تحياااااااااااتي
الإثنين سبتمبر 13, 2010 7:56 pm
