ودي اكعد كبالك واحضن واشم بيك ...
و ادك حبي بقلبك وشم بيك ...
من كل دكه اعرف شبيك وشمبيك ...
احسن من اسألك واتظم علييه ...
***************************
حبيبي شكد وفي ومخلص وصادق ...
و اوعدك ما احب غيرك واصادق ...
وحق المهدي والباقر وصادق ...
يظل عشكك للموت بيه ...
***********************
فيض بحور يجيني موجك حبيبي وانهار ...
ويذوب الحيل من اسمع انفاسك وانهار ...
بخيالي عايشه طيوفك ليل ونهار ...
وادعي من ربي يجمعنا سويه ...
***********************
ينخر بالكيان الحزن مثل ما تنخر بالنخل ارضه ...
ويخلي الوحيد بحيره لا طايل سما ولا ثابت بارضه ...
ريتك حبيبي باحضاني بيك اقنع باقي العمر وارضه ...
واجج بنارك لهيبي و نحترك بيها سويه ...
***********************
وحي اشتاكت لشخصك وحنيت
ولويت ظلوعي بفراكك وحنيت
وحقك جاجبت حنه وحنيت
عتبة داري لو مريت بيه
***********************
يمن ليك الكلب يخفك ولاجن
وشوغاتك كلن عمري ولاجن
صدك تنساني يمعود ولاجن؟
هذاك انته الجنت تغفه على اديه
***********************
على مودك عفت ربعي وناسي
واسد بحلوك شماتي وناسي
اذا عني غفل كلبك وناسي
انه بطرواك لسه وتدري بيه
***********************
يحن كلبي على حبك من احبك
واخذ زهوة شبابي مني حبك
انشدك ياهو الاكثر مني حبك
حته بهالسهوله تخون بيه
انشاء الله تعجبكم