سويلك شاحنة من صنع ايدك

هلو شباب اذا تريد تشحن تلفونك النوكيا من الحاسبة عن طريق ال usb الحل هنا وكلش بسيط وسهل
اولا جيب شاحن نوكيا مال سيارة خربان منتحر جديد اي شي
ثانيا جيب ماوس usb ويفضل ان يكون هم منتحر او جديد ابو الفلس ونص
ثالثا جيب سجينة بس متكون عمية او صير متطور وجيب كتر واذا ماكو يعني حتكص الوايرات بسنونك
المهم نكص شاحن السيارة وناخذ الجزء الي بي الفيشة الي تفوت بالتلفون وحيكون بيهة وايرات 2 واحد احمر واحد اسود
ونكص واير الماوس وناخذ الجزء الي بي الusb وحيكون بي 4 وايرات احمر وازرق واصفر واخضر
الاصفر والاخضر شيلهم منحتاجهم
نيجي للربط خلي استكان الجاي بصفك وابدأ
نربط الواير الاحمر مال الفيشة بالواير الاحمر مالة الusb ونربط الواير الاسود مال الفيشة بالواير الازرق مال الusb وراها ولو حنكلفك بس اذا ممكن وماكو زحمة جيب تيب ولف الوايرات وديييير بالك الوايرات اطخ سوة وروح واشحن تلفونك وادعيلي

ملاحظة اذا انفجروا الاثنين بوجهك اني معلية

اخي الامبراطور

ههههههههههههه

طريقة روعة والشرح اروع

ههههههههههههههههههههه

يسلمووووووو حلى الموضوع الموضوع الرائع

[ندعوك للتسجيل في المنتدى أو التعريف بنفسك لمعاينة هذه الصورة]بس على كولتك كان كل الناس سوت هيج وما يحتاج شاحنات [ندعوك للتسجيل في المنتدى أو التعريف بنفسك لمعاينة هذه الصورة]

تحياتي الك