غـــــــزل بلشفايف *** زنجيل ابوذية ***روعـــــــة ***لعيونكم

تلالي مثل چيس ابيض ولك شاف
وعونه الكحّل عيونه والك شاف
الك مبسم يفت روحي والك شاف
مرج بحرين وتلاگن سويه

شكثر حاچيت گلبي عظ عضيته
وصبعي من الندامه عظ عضيته
طمعت بشفاف ولفي وعظ عضيته
موطا بحلگ جاهل صفت هيه

أضل بشفافچ الحلوات مسبي
وجن العگل بيچ وصار مس بيه
قلم حمره يريت الگلب مس بيه
روحه بشفتچ وذابن سويه

مزنجر قفل گلبي عليك شفتك
تبريّد حيلي والله بيوم شفتك
سبحان الرسم عالوجه شفتك
الحلاه خلاها الك والضيم اليه

حبيبي من حلاها مره شفتك
وبعد عطشان ياسمر من رشفتك
لون فد يوم تصدف مره شفتك
جدك مايخلصك من اديه


تحياتي

شكرا سفير الاحزان على هاي البوذيات الجميله
عاشت ايدك وان شاء الله المزيد من الابداع
تحياتي دمعة حزن