[center]لحالي أنا اليوم بغرفتي هالصغيري مالي حدا بهالدنيا أحكيلو أو اشتكي
دلوني بس..... شو العمل يا ناس والحبيته ماعاد نفع معو الحكي ....
وحدي أنا واليل والبكي حايرا بأمرو وبحالي ملبكي....
سهراني أنا دور على شي حل وبحاول بعدها ع مخدتي ولنو ارتكي
ودموع عللي صار بعد ماضل وعيوني تقلي احترت بأمركي
وبسمع صوت الرعد والمطر وبقول (هيدا دمع الدني ع حالتي ..مش شتي)
وشوحاول ماأذكر آخر كلمي قالها لما حكيني بآخر مرة وريتو ما حكي
واني فكر بلحظة اللي فيها رح يجيني ويقلي على كل شي أرجوكي سامحيني
وبفكر بعدها أنو مرتاح البال ...... لا همو شو قال....... ولا شو عمل فيني
مانو جديد عليي بهالمنوال.......... وهو المافكر بحياتو مرة يرضيني
ولما اسأل ع غلطة لو سؤال.... يقلي انا هيك وبدي منك هيك تحبيني
مثل اللي مبنجي ماكنت أعرف أنا اني معو كنت عم ضيع سنيني........
مثل شي طفلي كنت دايما سامحو وشو كان لأسخف سبب يقلي خنتيني
مافكر بحياتو يسامحني ع غلطة وشو كنت أيام قضيها حزيني .......
شو كان قاسي وشو كنت رقيقة معو وكان بيفتكر بقسوتو عم بقويني ....
وشو كنت بس الجأ للعاطفة معو... يقلي لو سمحت بالعواطف لا تاخديني
ياما وياما بيعترف بيغلطتو ....... بس كلمة الأسف عندو مثل شي سكيني
وماكان يتراجع عن كلمة غلط قالها ولا يفكر يصلح شي منلي انكسر فيني
وشو كان يدور ع المشاكل دوارة وبعدها يقلي بالمشاكل لا تشركيني ....
وشو كان بكلمة منو بين يوم و ليلي كل شي انحكى وكل زعلي ينسيني ....
وبعدما انجرح أنا يقلب الموقف لضدي ويقلي بها الموقف انت جرحتيني ...
بيظهر رح اقضي عمري معو يجرحني بعمق وداويه بدل ما يداويني
شو بعمل معو دلوني لأن ...... هالحكي لا بيرضي محب ولا بيرضي عدويني
هل يا ترى أنا ببقى عحبو ..... رغم الصار واللي صاير فيني
أو انتهي من هالحكاية ومن حبو وانساه وانسى عذابي وانسى حنيني
__________________
ثقافتنا هي عبارة عن فقاقيع من الصابون...فلا زال في رؤوسنا(رواسب)من ابي جهل...
:study:
الجمعة ديسمبر 11, 2009 11:32 am
