محتاجك فرح ملتني الاحزان
بغيابك كثرت ياخلي احزاني
جنت تايه حبيبي ومالي كل عنوان
وصرت انت الحبيب وصرت عنواني
اريدنك محب ويواسي دوم الروح
ومن تكظي الحياة يصير دفاني
شبيدي على الزمن متحزم النه احزام
ويظل الموت طبع البيه شراني
انا وحت لومتت بي منتشر يلكونك
على كل الجسد وبروح شرياني
ملك الموت حاير يقبض يانفس ويروح
ولكه نفسك بنفسي او واكف يتاني
يخاف يعق الاهه لوقبض روحين
ويخاف من الترك ويصير براني
يحب جنة نعيمة وصعبة ليهه يعوف
وظل حاير يملك الموت بأنساني
ياخذمن يخليمن
لكة بنادم ثانئي مكملة الثاني
روحين بجسد واشتركن بفد روح
وشريان انطبع وي روح شرياني
كتله اخذ الأمانه ؟ وكلي صعبة اهواي
انا جاي لفرد صادفني الثاني
كلته اخذ الامانه فدوى يالله وروح
مليت الحياة وكثرة احزاني
كلي اشلون اكلك انت موروحين
وانمزجت مزج بأحساس رباني
كلي اشلون اشلعك وانت بيه مطبوع
ولحم خلك ترف فوك اللحم باني
وخجلني النفس يتنفسن روحين
اخاف اكطع نفس ويموت الثاني
تحـــــياتـــي
الأحد يوليو 31, 2011 4:51 am
