كوللــــــــــي
كوللي شراح اكوللك وانت راح تروح؟
وليش تلح علية وتنتظر ردي؟؟؟
هذا لسان حالي دموعي تحجي وياك
راح اسكت واحجي دموعي البخـــدي....
احاجيك بدمع واتوسلك عبرات
ودي احتفل بيك واشبع بشوفتك ودي.....
ظل وياي اريدك بقن جم يوم
والجم يوم احسهن حدك وحدي....
خلني ارد اشوفك.. كمت احسك طيف
وياعين التكظ طيف اليعدي؟؟؟؟!!!
صرفنة سنين حبنة وخلصت تبذير
وعلى يوم النشوفك باجر نجدي....
اخذني وياك اريدك وما اريد الغير
وكون بسدك اكعد.. واكعد بسدي....
لتخلين وحدي منين اعرف الناس
لا اكدر اعاشر....لا خلك عندي...
احب شلون غيرك؟ من اود شلون؟
وانه وياك كلش خلصت ودي.....
بكد حبك لنفسك جنت اناني وياك
ومنو بكدك يحبك؟ محد بكدي...
يل بية وي روحي الطلعة طلعة موت
شيردكم علي لو صحت ردي...
اخذني وياك مني شعندي باقي وياي؟؟
وكلي وياك اخذني وكلشي لتودي.....
شيصيرن بعد ؟ خل اليصير يصير
خل كلشي الالية ينكلب ضدي....
خل سنيني تغرك خله عمري يفيض
خلي كبال عيني ينهدم سدي...
خايف صح جنت بس جنت اخاف عليك
والمن بعدك انت وخايف شعندي؟؟
والمن بعدك انت وخايـــف شعندي؟؟؟
تحياتي للجميع
الأحد فبراير 20, 2011 3:26 pm
