تصورت الفراق وما قويته ,
صورت الفراق ولاقويت أتحمل الصوره
...................أجل وشلون لو إنه يجي وشلون حزاته
صحيح إن كلمته سهله وبين الناس مقدوره
...................ولاكن هقوتي محد يحب وعاش لحظاته
تصورته كما موج خذاني لغبة بحوره
....................وشهقت الموت ياربي عظيمة حيل سكراته
تصورته كما قبر يضيق ويختفي نوره
...................أحس بكل من حولي وأنا أسمع كل خطواته
تصورته سحاب فات وأرضي ترتجي مطوره
...................مضى له بالهوى ماضي وشان الوقت صكاته
تصورته كما البستان وغيري يقطف زهوره
....................كثر ماضاع جهدي فيه وغيري نال زهراته
تصورته كما أم وهي تو إنتهى دوره
....................جنينه مات من يومين وزادت حيل وناته
تخيلته كذا مره وبكت عيني كذا صوره
....................أجل وشلون لو إنه يجي وشلون لحظاته[/