مااريدك بعد.....

مااريدك بعد


اريد اعلن حداد وللعشك ماعود
وريد انساك وانسى البينك اوبيني


وشك دفتر غرامك حتى انه انساك
وادير الوجه عنك من تلاكيني


ماريدك بعد لوانت روحي اتصير
اوماريدك لون من موت تحييني


ملح بعيوني احطن وانسى حتى النوم
اخافن بالمنام طيوفك اتجييني


اذا شافتك عيني اوفرحت ابملكاك
والله اتبره منهه وهاي موعيني


وذا صافحك جفي بحجة الخملان
اكص اثنين اديه ايساري ويميني


وذا كالولي حبك يسري بالشريان
ثق بالله اكطع كل شراييني


وذا صاير شمس انه ابقه دوم بليل
اوماريد الضوه اوبالظلمه خليني


تذكر من لكيتك والعطش واليك
اوكلتلي امعود اترجاك روييني


عصرت اجفون عيني اووشلييت دموع
اوشربتك بديه اوانت تدرييني


ومن مرني العطش صرت انت جربة ماي
كصدتك معتني اومديت جفيني


وانتة ابكل وقاحة اوكل صلافة عين
درت بجفوفي سم اوردت تنهيني


تذب نفطك عليه وانه بيه النار
وتتحمه اعلناري وماتطفيني


وصرت محبس بديك وكمت بيه اتسوم
ساعة اتبيع بيه وساعة تشريني


اظل خصمك وفظحك حتى من اتموت
على كبرك اخططططن بيك اسنيني


تحياتي للجميع
[ندعوك للتسجيل في المنتدى أو التعريف بنفسك لمعاينة هذه الصورة] Winter Roze

تسلمين حبيبتي على الرد
نورتي الصفحة بوجودج
ودي

مشكووووور على الرد
مااعرف والله هيج اني
على العموم شكرااااااااا